Stóra bókin um sous vide

Í Stóru bókinni um sous vide leiðir verðlaunakokkurinn Viktor Örn Andrésson matgæðinga í allan sannleika um undraheim sous vide. Í áraraðir hafa bestu veitingahús heims reitt sig á tæknina af einföldum ástæðum; matreiðslan er auðveld en skilar engu að síður nákvæmni, hreinleika og bragðið nýtur sín í ystu æsar.

Í bókinni eru leyndarmál matreiðslumeistara afhjúpuð, allt frá hinni fullkomnu steik til crème brûlée á heimsmælikvarða. Hún er sniðin að þeim sem brenna af áhuga og metnaði fyrir matreiðslu og nú geta allir orðið meistarakokkar í eldhúsinu heima.

Viktor Örn Andrésson er margverðlaunaður matreiðslumaður sem hefur stundað sous vide eldamennsku til fjölda ára. Hann hefur starfað á Michelin-stöðum, verið valinn matreiðslumaður Íslands og Norðurlanda og árið 2017 hafnaði hann í þriðja sæti í virtustu matreiðslukeppni heims, Bocuse d’Or.

Útgáfuár: 2017, endurprentun 2018

Gerð: Innbundin

Síðufjöldi: 200

Hér má sjá smá sýnishorn úr bókinni: 

Fyrir þá sem brenna af áhuga úr Viðskiptablaðinu

Bókin sem beðið hefur verið eftir af Mbl.is