Hinum megin við spegilinn

Hér er ekkert sem sýnist. Á bak við hversdagslegan veruleikann leynist eitthvað undir niðri; fólk á sér annað líf í netheimum, tvífara í raunheimum og draumar rætast eða verða að engu. Andrúmsloftið er dularfullt og mörkin á milli veruleika og ímyndunar eru stundum óljós.

Hinum megin við spegilinn er smásagnasafn með 17 smásögum og örsögum eftir Kára S. Kárason og er þetta hans fyrsta bók. Handritið bar sigur úr býtum í handritasamkeppni Forlagsins, Nýjar raddir, árið 2023.