Helvítis matreiðslubókin

Hér er að finna gómsætar og einfaldar uppskriftir, eldhússögur og góð ráð beint frá Helvítis kokkinum. Í bókinni eru nokkrir af vinsælustu réttunum úr þáttunum og svo miklu meira. Ef þú elskar bragðgóðan og einfaldan mat þá er þessi bók fyrir þig, hvort sem þú ert byrjandi eða reyndur kokkur! Sleppum helvítis kjaftæðinu og eldum góðan mat saman!

Af hverju helvítis?

Okkur finnst helvítis vera frábært yfirheiti fyrir skemmtilegu verkefnin okkar og orðið passar einstaklega vel fyrir framan önnur orð eins og helvítis kokkurinn, helvítis eldpiparsulturnar og núna helvítis matreiðslubókin.

Við erum hjónin Ívar Örn Hansen, matreiðslumaður og Þórey Hafliðadóttir, margmiðlunarhönnuður. Við elskum góðan mat, fallega hönnun og spennandi verkefni. Okkur fannst vanta einfalda matreiðslubók sem sýnir hvernig á að búa til djúsí mat með leiðbeiningum sem auðvelt er að fylgja. Margir eru farnir að þekkja Ívar Örn Hansen sem stýrir matreiðsluþáttunum Helvítis kokkurinn á Vísi og á Stöð 2+ þar sem hann eldar bragðgóðan mat á mannamáli og kennir áhorfendum öll helstu kokkatrixin.

Ef þú elskar bragðgóðan og einfaldan mat þá er þessi bók er fyrir þig, hvort sem þú ert algjör byrjandi eða reyndur kokkur!

Sleppum öllu helvítis kjaftæðinu og eldum góðan mat saman!