Fögnum Árstíðarverunum!

Verið hjartanlega velkomin að fagna útgáfu bókarinnar Árstíðarverur eftir Diljá Hvannberg Gagu og Linn Janssen með okkur í bókabúð Sölku laugardaginn 5. apríl kl 14! Boðið verður upp á léttar veitingar, bókin verður á útgáfutilboði, höfundar árita og föndur fyrir hressa krakka á staðnum.

Um Árstíðarverur:

Bjarni og bekkjarfélagar hans eru að læra um árstíðirnar í skólanum. Hann verður því heldur hissa þegar hann vaknar einn vormorgun og allt er á kafi í snjó! Þetta passar alls ekki við það sem kennarinn sagði. Hann fer út að rannsaka málið en hittir þá fyrir kúnstugar verur sem segjast stýra veðrinu en verst er að þær eru að rífast! 

Diljá Hvannberg Gagu og Linn Janssen færa hér ungum lesendum góða skýringu á veðurfarinu á fróni í fallegri sögu sem yljar um hjartarætur og er tileinkuð öllum sem alist hafa upp við íslenska veðráttu.